Një e moshuar që zotëron koleksionin më të madh në botë të relikeve mbretërore thotë se ndihet bosh pasi dëgjoi lajmin për vdekjen e Mbretëreshës Elizabeth II.
Anita Atkinson, 64 vjeç, nga Crook, County Durham, i ka kushtuar 45 vitet e fundit të jetës së saj mbledhjes së kujtimeve të familjes mbretërore dhe vlerëson Mbretëreshën Elizabeth për modelin e saj.
Fanatikja mbretërore, e cila ka mbledhur 12,777 artefakte mbretërore, duke përfshirë 5,000 kushtuar mbretëreshës së ndjerë refuzon të lërë shtëpinë e saj të mbushur me mbretër pa një pjesë të koleksionit të saj. Një nga pasuritë më të çmuara të Anitës është një pecetë me kornizë që u përdor nga mbreti i ri Charles II në një aeroplan. Ajo mban rekordin botëror për koleksionin që nga viti 2001.
“Jam bosh, nuk e di se çfarë do të bëj pa mbretëreshën në jetën time”, tha Anita.
“Unë mendoj për të çdo ditë. Ajo ka qenë pjesë e gjithë jetës sime dhe më shumë, sepse ajo ka qenë pranë edhe para se të lindja unë. Ajo ka qenë modeli im i nënës pasi mamaja ime vdiq 34 vjet më parë. Ishte një grua 96-vjeçare që ka punuar shumë dhe ka shërbyer çdo ditë për 70 vjet. Ajo ishte gruaja më e fuqishme në botë dhe më e fotografuara, por kaq modeste. Mbretëresha ishte e përulur dhe më e rëndësishmja falëse. Ajo kurrë nuk kritikoi askënd dhe kishte një ndikim vërtet pozitiv”, shtoi e moshuara.
Çdo pëllëmbë e shtëpisë së Anitës i kushtohet familjes mbretërore dhe Anita është e rrethuar nga kujtimet e trashëgimisë së Mbretëreshës çdo ditë.
Ajo tha: Nuk mund të mos mendoj për të,ajo është me mua në çdo moment të ditës.
Anita e zgjeroi koleksionin e saj, me vlerë mbi 200,000 £ në një muze në pronën e saj për ta vizituar të tjerët. Që prej vdekjes së Mbretëreshës Elizabeth II, ajo tha se vizitorët kanë shprehur trishtimin e tyre në një libër ngushëllimi./Opinion.al
