Një tjetër gazetar amerikan, Juan Arredondo, u dërgua i plagosur në spital pas incidentit. Ai i tha një gazetari italian se ishte me Brent Renaud kur ata u sulmuan, shkruan BBC.
“Ishim në një nga urat e para në Irpin, duke shkuar për të filmuar refugjatët që largoheshin, dhe hipëm në një makinë, dikush na ofroi të na çonte në urën tjetër dhe kaluam një pikë kontrolli dhe papritur ata filluan të qëllojnë mbi ne”-tregoi ai.
“Kështu që shoferi u kthye dhe ata vazhduan të na qëllonin ne të dy. Shoku im Brent Renaud është qëlluar dhe lënë pas.”
Ai vazhdon duke thënë se nuk e di se çfarë ka ndodhur me Brent.
“E pashë që ishte qëlluar në qafë dhe u ndamë”, duke shtuar se atë e dërguan në spital me ambulancë. Gazetari amerikan u vra në Ukrainë pas një sulmi të trupave ruse./Opinion.al
