Kolegji Zgjedhor ka rrëzuar kërkesën e Partisë Demokratike për përjashtimin e shtatë gjyqtarëve, të cilët sipas PD refuzuan transparencën në kërkesat e paraqitura nga selia blu. Sipas Kolegjit Zgjedhor akuzat e PD janë të pabazuara.
Ditën e djeshme Partia Demokratike kërkoi përjashtimin e 7 gjyqtarëve të Kolegjit Zgjedhor të cilët vendosën të rrëzojnë kërkesat e tyre për përsëritje të zgjedhjeve në 3 qarqe dhe sipas saj nuk garantojnë paanshmëri për 6 kërkest e tjera që PD do të çojë për shqyrtim.
PD theksoi se vazhdimi i ankimimeve me të njëjtën trupë zgjedhore, e cila është shprehur 3 herë me radhë kundër kësaj force politike është në shkelje të parimeve themelore të Gjykatës së Strasburgut për dhënien e drejtësisë./Opinion.al
