Drejtori i Drejtorisë së Përgjithshme të Transportit Rrugor, Blendi Gonxhe ka deklaruar ditën e sotme se më datë 31 maj do të rihapet kolaudimi si dhe ka sqaruar qytetarët se çdo certifikatë e skaduar, favorizohet me plus dymbëdhjetë muaj.
Më tej ai theksoi se do të bëhet shtesë shërbimi në Durrës dhe në Tiranë si dhe theksoi se Kolaudimi do të nisë me automjetet e transportit të mallrave
“Ne po trajnohemi nga specialistët e pajisjeve. Po punojmë me pajisje kompjuterike të reja. Ky është një shërbim që do të rregullohet aty ku duhet. Do bëjmë shtesë shërbimi në Durrës dhe në Tiranë. Kontrolli teknik i automjeteve do bëhet në fund të muajit. Më 31 maj do rihapet kolaudimi. Kolaudimi nis me automjetet e transportit të mallrave. Duhen paguar taksat në kohë. Keni udhëzime pranë uebit të DPSHTRR. Çdo certifikatë e skaduar, dhe kolaudimi ka qenë i mbyllur, presupozohet se nuk ka qenë faji i qytetarit dhe favorizohet me plus dymbëdhjetë muaj. Edhe nëse ka marrë vulë për 1 muaj, disa muaj, ai përfiton 12 muaj mbi datën e skadencës që ka në mjet”, tha Gonxhe.
Më tej Gozhe tha se personat që kanë blerë një automjet të ri do të njoftohet sipas udhëzimeve që do dalin dhe do ta rezervojnë takimin online.
“Personi që ka blerë një automjet të ri do të njoftohet sipas udhëzimeve që do dalin. Ai do të rezervojë online. Deri në ditën që do ketë rezervimin, ai mund të lëvizë, e ne do jemi në kontakt me Policinë e Shtetit, për lëvizjet. Për automjetet, çdo gjë është e lidhur me shtetin tonë. Ne duam ta fillojmë nga vetë shteti, të licensuarit, nga të vetë policisë ta themi, të organeve publike, që kanë flota të mëdha, sepse problemet më të mëdha janë në këto kategori e ne duam të japim vetë të parët shembullin. Kontrollet do të jenë më të shumta.”, tha Gonxhe./Opinion.al
