Familjarët e Marjan Kolës i dyshuar si bashkëpunëtor në vrasjen e ish-deputetit Pashko Ujka kanë reguar mediatikisht duke pohuar se i afërmi i tyre nuk ka asnjë lidhje me ngjarjen.
Babai dhe vëllai i tij, shprehen se mbrëmjen e vrasjes Marjan Kola ndodhej në Kosovë dhe madje në orarin e vrasjes ai ndodhej në një poligon qitjeje.
“Është poligoni me kamera me orare, kur ka hyrë im vëlla në poligonin e qitjes. I kemi kamerat, i ka sekuestruar shteti shqiptar kamerat. Duam drejtësi! Dje kam qenë në Kosovë dhe kam bërë kallëzim në polici për këtë punë”, u shpreh Petrit Kola.
Ndërkohë 87-vjeçari Dedë Kola shprehet se i biri nuk ka patur asnjë lidhje apo njohje e viktimën.
“As e ka njoft e as kena dit, as kena pas marrëdhënie kurrë”, shprehet ai./Opinion.al
