Një studim i fundit nga shkencëtarët ka zbuluar se kokteilet të cilat përmbajnë pije energjike, i japin njerëzve përshtypjen se janë më të dehur se sa janë në të vërtetë. Kur dikush pororsit një pije e cila përveç alkolit përmban edhe pije energjike, do të ndihet sikur efekti i saj në organizëm është më i fortë se ndonjë kokteil tjetër.
Studimi u krye duke marrë në shqyrtim 154 meshkuj të cilët deklaruan të ishin pijedashës. Një pjese prej tyre i’u kërkua të pinin kokteile me pije energjike, ndërsa të tjerëve pije të çfarëdoshme. Kur iu kërkua të kryenin disa punë të caktuara, u vu re se personat që kishin pirë kokteile me pije energjike, ndiheshin më të dehur, më me vetëbesim, dhe gjithashtu edhe seksualisht më të aftë. /Opinion.al
