Deputeti socialist Koço Kokëdhima tha se një reformë cilësore në Partinë Socialiste, do të përmirësojë dhe qeverisjen e vendit.
Prej muash Partia Socialiste është në proces të brendshëm zgjedhor, por kongresi i planifikuar për në janar u shty për në mars. Për Koco Kokëdhimën, i cili ka qenë i pari që ka kërkuar shtyrjen e Kongresit, nuk është problem data se kur ai mbahet, nëse do të ketë një reformim cilësor të Partisë Socialiste.
Aq e rëndësishme është reforma brenda socialistëve, sipas Kokëdhimës tij, sa do të ndikojë direkt në përmirësimin e qeverisjes së vendit në sektorë të ndryshëm.
Ramën dhe Metën, Koço Kokedhima i sheh në bashkëpunim të ngushtë, me njëri-tjetrin.
Koordinatori i Jugut dhe deputeti i Qarkut të Vlorës u tha gazetarëve se nuk ka mosmarrëveshje PS-LSI dhe se divergjencat për reformën në drejtësi ai i sheh normale.
Kokëdhima tha se bashkëpunimi i ngushtë Rama-Meta do të vijojë.
