Policia ka sekuestruar 173.6 gr Kokainë në Shkodër dhe ka vënë në pranga dy shpërndarësit, Abdyl Canga, 22 vjeç dhe Aleks Shpendi, 28 vjeç.
Policia tha se në bazë të informacioneve të siguruara në rrugë operative se disa shtetas në bashkëpunim me njëri tjetrin shpërndanin në orët e vona lëndë narkotike, u organizua puna hetimore dhe u realizua me sukses operacioni “High”.
Gjatë kontrollit të ushtruar ju gjetën dhe u sekuestruan në cilesinë e provës materiale:
-një sasi prej 173.6 gram lendë narkotike e dyshuar kokainë
-100 000 lekë të reja
-2 aparate celular
-1peshore eletronike e vogel.
