Emisioni “Fiks Fare” denoncoi disa ditë më parë nëpërmjet kamerës së fshehtë ish shefin e Policisë Rrugore tw Lushnjws, Julian Balliu i cili ofronte një shtetasi 200 gr kokainë. Sot Gjykata e Krimeve të Rënda ka vendosur ndaj Balliut masën e arrestit me burg në mungesë i cili dyshohet se është pjesë e një grupi të strukturuar kriminal dhe trafiku ndërkombëtar droge. Po kështu Krimet e Rënda pranuan edhe kërkesën e Prokurorisë për të vendosur njëjtën masë dhe për të njëjtën akuzë edhe për 24-vjeçarin Armelind Tufa.
Ndërkohë masa janë dhënë edhe për disa persona nga jugu i vendit që dyshohen si pjesë e një rrjeti trafikantësh, të cilët një vit më parë në bashkëpunim me njëri-tjetrin trafikuan drejt Italisë ngarkesën prej 2.5 tonë kanabis.
