Një ngarkesë me kokainë e fshehur brenda një konteineri me banane u sekuestrua në portin e Vado Ligure në Savona të Italisë. Lidhur me ngjarjen sipas La Repubblica u arrestuan tre shqiptarë.
Kontejneri, i cili mbërriti në Vado Ligure nga Tangier (Marok), me një ngarkesë banane nga Ekuadori, u identifikua nga Guardia di Finanza e Savonës, të ndihmuar nga zyrtarë të Departamentit kundër mashtrimit të Agjencisë së Akcizave, Doganave dhe Monopoleve.
Kontejneri, pasi zbriti nga anija, iu nënshtrua një kontrolli të plotë, i cili çoi në zbulimin e ngarkesës së drogës.
Hetimet e mëvonshme të kryera nga oficerë të Njësisë së Policisë Ekonomiko-Financiare dhe grupit Savona çuan në arrestimin e tre personave, me nënshtetësi shqiptare.
Këta të fundit kishin hyrë fshehur në zonën portuale të Vado Ligure dhe u kapën duke kërkuar në kontejnerin e dyshimtë me qëllim marrjen e drogës së fshehur.
Tre burrat, të moshës 33, 28 dhe 23 vjeç, të gjithë banues në Piza, u ndaluanb menjëherë nga policia dhe u arrestuan me akuzën e trafikut të drogës, më pas u dërguan në burgun e Genova Marassi.
