Plot 19 kg kokainë e pastër me vlerë 4 milionë euro është kapur në Itali. Droga sipas mediave italiane kishte destinacion Durrësin, ndërsa ishte fshehur në një kontenier me pula te ngrira. Kamioni mësohet se vinte nga Brazili.
Droga është gjetur në portin e Gioia Tauro dhe aksioni është bërë nga policia e Rexhio Kalabrias dhe doganat të drejtuar nga drejtoria e Antimafias.
Kokaina e nisur nga Brazili mësohet se ishte ndarë në 17 pako dhe ishte vendosur në një kontenier ku po transportoheshin pula të ngrira.
