Policia njoftoi sot arrestimin e dy personave për shpërndarje kokaine dhe heroine. Konkretisht: Gentian Kalemi, 37 vjeç, banues në Tiranë dhe Ahdi Zeqollari, 24 vjeç, banues në Progradec. Në kërkim është shpallur J. B., 25 vjeç, banues në Korçë.
Dy operacionet
Në Rrugën “Hoxha Tasim”, është ndaluar një “Audi” me drejtues shtetasin Gentian Kalemi, ku nga kontrolli në brendësi të automjetit është konstatuar dhe sekuestruar një dozë me lëndë të dyshuar narkotike Kokainë. Gjatë kontrollit të banesës i është gjetur 90.2 gramë fara Cannabis Sattiva, si dhe shumat monetare 36440 Franga Zviceriane, 170 Euro, 100 Cent Bolivian, 5 Leji Rumun, 77 000 Lekë.
Ndërsa në rrugën “Sami Frashëri”, është ndaluar automjeti i markës “Renault”, ku në drejtim të mjetit ishte shetasi J. B., dhe pasagjer Ahdi Zeqollari, ku drejtuesi i automjetit porsa ka parë policinë ka braktisur automjetin edhe është larguar me vrap, i cili është shpallur në kërkim nga Policia.
Gajtë kontrollit të automjetit është gjetur një leje drejtimi italiane e falsifikuar me igjeneralitetet M. Z., por me fotografin e shtetasit J. B.
Pas kontrollit fizik të shtetasit Ahdi Zeqollari, i janë gjetur me vete dhe sekuestruar 22.4 gramë Heroinë.
Materialet proceduriale i’u kaluan Prokurorisë Pranë Gjykatës së Shkallës së Parë Tiranë, për veprat penale “Prodhimi dhe shitja e narkotikëve”, “Mosbindja ndaj urdhërit të policisë së rendit publik” dhe “Falsifikimi i letërnjoftimeve, i pasaportave ose i vizave”, parashikuar nga Nenet 283/1, 242 dhe 189/1 të Kodit Penal.
