Autoritetet italiane kanë shkatërruar një grup kriminal të shpërndarjes së kokainës që drejtohej nga një shqiptar.
Në pranga kanë rënë 4 persona, ndërsa 10 të tjerë janë vënë nën hetim. Policia në komunën Asti arriti të sekuestronte e rreth 1500 dozave në vlerën totale 300 mijë euro.
Shpërndarja e kokainës bëhej përmes kutive të ilaçeve. Hetimet nisën në fund të vitit 2021 dhe rezulton se 51-vjeçari shqiptar Isuf Hadaj ishte në krye të grupit që bënte tregti kryesisht në zonat e Corso Torino dhe pranë Parco della Resistenza.
Dy të arrestuarit e tjerë janë Davide Battiston, i arrestuar dhe Fabiola Ghiotti, që është në arrest shtëpie, të cilët blenë kokainën që e hodhën në sheshin Asti. Ata kishin blerë kokainën për një vlerë rreth 20 mijë euro.
Të tjerët janë katër shqiptarë të tjerë dhe tre italianë, të cilët dyshohen si shpërndarës droge. Po ashtu është sekuestruar një pronë në zonën Antignano, një ndërtesë me tokë përkatëse, e blerë me të ardhura të paligjshme.
Gjatë kontrolleve, në koordinim me prokurorinë e Asti-t, u sekuestruan edhe çeqe 11 mijë euro, kokainë gati për shitje dhe 12 mijë euro të ardhura nga trafiku i drogës.
