Gjykata e Durrësit ka lënë në arrest me burg Mentor Çunin dhe Arjan Doçin të arrestuar pasi në furgonin e tyre u gjetën 7 pako kokainë, e destinuar për tu dërguar në Angli.
Mbrojtja e Mentor Çunit dhe Arjan Doçit kërkuan arrest në shtëpi ose garanci pasurore, por që nuk u pranua.
Arjan Doçi është shoferi i furgonit ndërsa Mentor Çuni, pronari.
Ata u arrestuan pasi në furgonin e mallrave iu gjetën 7 pako me kokainë, të fshehura poshtë sediljes së shoferit.
Në lidhje me ngjarjen është shpallur në kërkim Fatbardh Çuni, 37 vjeç, i cili e priste sasinë prej 7.3 kilogramësh kokainë në Angli.
