Prokuroria përmend një fakt të dyshimtë në dosjen Xibraka të dërguar në gjykatë këtë javë me dhjetë persona të pandehur, njëri prej të cilëve në kërkim.
Pikërisht për personin në kërkim, Genci Xhixha, i konsideruar si financues dhe sigurues i lëndës së kokainës në Kolumbi e cila vinte e përpunohej në Elbasan, prokuroria dyshon se ai është njoftuar se po ndiqej.
Në dosjen e dorëzuar në gjykatë ndodhen 12 raporte vëzhgimi të Policisë së Shtetit me autorizim të Prokurorisë së Krimeve të Rënda të kryera gjatë periudhës Dhjetor 2014 -Janar 2015.
Në të gjitha këto vëzhgime të kryera në qytetet Tiranë, Elbasan, dhe në Xibrakë dhe në rrugën që lidh këto dy qytete, gjithçka ka ecur normalisht deri në datën 14 janar 2015.
Atë ditë Genci Xhixha ka qenë në Shqipëri dhe paradite është nisur në drejtim të Elbasanit. Linja logjike ngjarjeve ishte që ai të shkonte në laboratorin e Xibrakës ku ndodheshin në atë moment disa nga bashkëpunëtorët e tij. Por ai ndryshoi drejtim./Panorama
