DEA amerikane ka zbarkuar në Shqipëri dhe po zhvillon një mega-operacion në disa qytete. Sipas Klan News, operacioni ka lidhje me sasinë e kokainës që u kap disa javë më parë në Savona të Italisë. Në lidhje me këtë ngjarje janë vënë më herët në pranga 4 shqiptarë. Siç shkruan Klan News, në përgjime kanë dalë emra të shqiptarëve të përfshirë në trafikun e drogës.
Dyshohet se organizatorët e trafikut ishin shqiptarë. Operacioni në fjalë është shtrirë në disa qytete si në Tiranë, Durrës, Elbasan, Fier dhe në Vlorë.
Në përgjimet e autoriteteve italiane dhe të DEA-s amerikane ka emra të tjerë, për të cilët kanë nisur kontrollet për kapjen e tyre dhe t’u dorëzohen autoriteteve të huaja.
