9 persona kanë rënë në pranga në Itali. Të arrestuarit janë shqiptarë nga zona e Elbasanit. Media italiane bën të ditur se në total kjo bandë ka trafikuar 80 kg kokainë nga Shqipëria në Itali.
Operacioni policor është zhvilluar në Pisa dhe Venecia. Trafikantët e dërgonin drogën në Itali me makina të modifikuara që droga të mos kapej nga skanerat.
Nga ngarkesat e këtij grupi policia italiane ka arritur të sekuestrojë mbi 80 kg heroinë ndërkohë që janë kryer kontrolle në dhjetra banesa. Sipas policisë italiane, lënda narkotike magazinohej në një banesë që ruhej nga persona të armatosur.
Po ashtu gjatë kontrollit të një servisi janë gjetur pajisje për modifikimin e mjeteve që trasportonin drogën ndërkohë që emri i shqiptarëve nga Elbasani nuk bëhet i ditur.
