Drejtori i përgjithshëm i Doganës së Kosovës, Agron Llugaliu, ka folur në lidhje me sekuestrimin e e rreth 44 kg kokainë.
Në një deklaratë për mediat, Llugaliu nuk ka thënë detaje, duke thënë se janë autorizuar që të mos tregojnë asgjë pasi hetimet po i kryen ende policia.
“Është e vërtetë se sot, siç është raportuar në media, është konfiskuar një sasi e konsiderueshme e kokainës, por ne jemi të udhëzuar që të mos nxjerrim informata, nuk jemi të autorizuar për pjesën e hetimit që e bën policia, kështu që nuk mund të japim informata në lidhje me këtë”, tha ai.
Kjo deklaratë vjen pas operacionit mes policëve të disa vendeve që është përfunduar me sekuestrimin e rreth 400 kilogramëve kokainë. Ndërkohë pritet një reagim nga Policia dhe Prokuroria e Kosovës./ Opinion.al
