Ministri i Brendshëm, Fatmir Xhafaj takoi sot Presidentin e policisë kriminale gjermane, BKA. Pas prezantimit të punës së përbashkët që do të ndërmarrë me policinë gjermane, ministri Xhafaj u pyet: Pse nuk ekstradohet Arbër Çekaj nga Gjermania?
Xhafaj tha se: “E pranoj se është një pyetje interesante dhe e pritshme. Ka një ndryshim. Nuk është më çështje ekstradimi, por hetimi të përbashkët…dhe mbetemi këtu. Nuk mund të flas më shumë, se çështja i përket Prokurorise se Krimeve të Rënda, policisë sone dhe policise kriminale gjermane”.
Arbër Cekaj është pronari i kompanisë “Arbri Garden” ku u kap sasia e madhe e kokainës, plot 613 kg që vinte nga Kolumbia. Në burg per kete çeshtje deri me tani jane shoferi i kamionit dhe menaxheri i kompanisë.
Arbër Çekaj u largua nga Shqipëria më 27 shkurt, vetëm 24 orë para kapjes në Durrësit të kontenierrit të porositur nga kompania e tij Arbri Garden, ku u gjetën 613 kg kokainë. Ai u arrestua nga policia gjermane ne muajin Maj, por prej 5 muajsh ai mbahet ne Gjermani, edhe pse ishte shpallur ne kerkim nderkombetar nga autoritetet tona. /Opinion.al
