Lefter Koka ka dalë kundër vullnetit të grupit dhe kryetares së LSI-së, Monika Kryemadhi, duke thënë se nuk e djeg mandatin e tij. Ai thotë se është zgjedhur për të përfaqësuar popullin dhe shton se LSI po tërhiqet zvarrë nga Sali Berisha, njëri që sipas Kokës, bën thirrje për të qëlluar me “plumb ballit” në shekullin e 21.
Por këtë të enjte, pas protestës kryerja e LSI-së ka thënë se: “Grupi teknik po punon, këtu nuk është çështje deputeti por çështje fryme. Kush deputet do të përfundojë në kazan si ata në Ukrainë, le ta provojë. LSI, opozitën nuk mund ta mbajnë dot peng, as me tendera, as vettigu e asgjë tjetër”.
“Mesazhi është shumë i qartë. Sot qytetarët na dhanë më shumë energji dhe pozitivitet. Sot opozita dhe deputetët e saj janë të lirë nga kapja e zinxhirit politik që është i lidhur me krimin. Më shumë seç kushton liria nuk të kushton gjë tjetër”- tha ndër të tjera Monika Kryemadhi.
