Mbrëmjen e djeshme janë gjetur mbetje kockore humane në proces dekompozimi, në fshatin Xarre të Sarandës.
Koka e njeriut që u gjet e groposur do të dërgohet në Institutin e Policisë Shkencore për ekzaminime të specializuara.
Mësohet se mbetjet kockore kishin nisur të dekompozoheshin, por sipas ekspertëve, janë konstatuar inde që pritet të ndihmojnë në identifikimin e viktimës.
Kjo është arsyeja që besohet se keto mbetje kockore janë groposur gjatë muajve të fundit.
Ndërkohë që sot pritet që policia të nisë kërkimet në zonë për pjesët e tjera të trupit.
Pas publikimit të këtij lajmi, në Sarandë kanë mbërritur edhe familjarë të Fatmir Sulovarit, i cili rezulton i zhdukur së bashku me Leonard Thodhori nga Çuka, që prej datës 6 Prill 2023.
