Në një studim në “Comprehensive Psychiatry” ku u vëzhguan qindra persona të varur nga blerjet obline në Gjermani, u vu re se me të rinjtë treguan simptomat më të këqija dhe varësinë më të lartë.
Udhëheqësja e studimit, Astrid Muller, nga Shkolla Mjekësore e Hanoverit tha:
“Është koha që blerjet në internet t’i konsiderojmë çrregullim mendor. Shpresojmë që gjetjet tona të tregojnë rëndësinë e kësaj varësie”.
Sipas psikologëve, blerjet e shpeshta në internet duhen konsideruar sëmundje mendore, pasi varësi ka shumë ngjashmëri me varësitë e tjera.
Sipas specialistëve, nëse ti je një person që blen shumë gjëra “online” nuk quhesh i sëmurë mendor, por ata mendojnë se nëse blerja në internet do të klasifikohet si sëmundje apo si çrregullim, ata që e vuajnë këtë do të mund të trajtohen.
Ndërkaq thuhet se “maniakët e blerjeve “online” kanë uri gjatë gjithë kohës për të blerë dhe nuk i rezistojnë dot të mirave materiale që shohin në internet, pavarësisht se nuk i përballojnë dot, gjë që i çon më pas në stres, sherre në familje dhe borxhe./Opinion.al
