Apple ka njoftuar se eventi i saj i rradhës do të mbahet më 25 mars në Kaliforni. Gjiganti i teknologjisë ka shpërndarë ftesat për eventin privat, ku ka garantuar surpriza teksa ka shkruar “Koha për shfaqje”.
Eventi do të mbahet në teatrin “Steve Jobs” në zyrat qendrore të Apple, dhe sipas “Reuters” pritet prezantimi i një shërbimi të ri që transmeton video, e ngjashme me Netflix, por që do të shfaqet si kanal i Apple.
Përpos kësaj kompania do të prezantojë “Apple News”, me anë të të cilit përdoruesit mund të kenë qasje në përmbajtjet e gazetave më të mëdha botërore.
Gjithashtu pritet të prezantohet dhe risi sa i takon AirPods2, AirPower dhe iPadit./Opinion.al
