LSI ka bërë një listë me 7 ndryshime për Kodin Zgjedhor, mes tyre edhe listat e hapura të deputetëve. Sot reagoisocialisti Taulant Balla i cili hodhi poshtë kërkesën e LSI, me argumentin se s’ka kohë për ndryshime dhe se Kodi është i ri sepse dy palë zgjedhje janë bërë me të. Por reagimi i LSI ishte i menjehershëm dhe me shumë nënkuptime. Petrit Vasili tha se se s’ka pse të jetë tabu kjo temë, dhe i kujtojmë socialistëve historinë e 2008-es…
Replikat para Kryesisë së Kuvendit
Taulant Balla: Nuk i kemi marrë ende në shqyrtim kërkesat e LSI-së. Por, jam kundër çdo lloj forme që ndërhyn në këtë fazë të procesit në sistemin zgjedhor. Sistemi që kemi nuk është i vjetër, kemi bërë vetëm dy palë zgjedhje. S’do pranoja ndërhyrje në sistemin zgjedhor përfshirë këtu edhe diskutimin për listat e hapura.
Petrit Vasili: Çështja e listave të hapura është problem jo i ri, një qëndrim konsistent i yni për ata që kanë një memorie të vëmendshme ne e kemi kërkuar që në 2008 dhe është mbrojtur fort nga ne. Pra s’është që lind sot paraqitet dhe propozohet sot, kanë qenë raporte të vështira, kujtojmë historinë e 2008 e rimarrim që në një klimë të re më konstruktive krijonte një hapësirë të re për ta rimarrë çështjen. S’besoj të jetë tabu se s’ka të bëjë me interesin e LSI por interesin e një procesi sa më përfaqësues në këtë çështje.
Historia
Më 11 nëntor 2008 një grup deputetësh të LSI-së, Nard Ndoka i PDK-së dhe Petro Koçi hynë në grevë urie në mjediset e sallës së Kuvendit të Shqipërisë në shenjë proteste kundër hartimit të Kodit të ri Zgjedhor bazuar, sipas tyre, në një marrëveshje të dyshimtë, mes Partise Socialiste dhe asaj Demokratike. Meta gjatë fjalës së tij në parlament atëherë akuzoi të dy krerët e partive, si Edi Ramën e PS dhe Sali Berisha atëherë kryetar i PD-së se po përgatinin shkatërrimin e procesit zgjedhor të 2009.
