Reforma zgjedhore ka nevojë mbi të gjitha për vullnet politik ka deklaruar sekretari i Përgjithshëm i Partisë Demokratike, Gazment Bardhi.
Në një intervistë televizive, Bardhi tha se Partia Demokratike ka gati platformën për dy nga çështjet e Reformës Zgjedhore por kjo sipas tij nuk mjafton pasi duhet vullneti politik i palëve që reforma ti adresohet të gjitha çështjeve si përshembull shit-blerja e votave.
“Realizmi i reformës është një nga kushtet e përcaktuara për hapjen negociatave nga Bundestagu gjerman. Ne propozuam një mekanizëm se si palët duhet të bëhen bashkë për hapjen e negociatave. Kemi gati platformën tonë mbi financimet e partive politike dhe fushatave zgjedhore dhe administrimin zgjedhor, por është përcaktuar edhe kalendari për çështje e tjera. Ne kemi gati dy nga çështjet, por reforma ka më shumë se nga këto dy çështje, Ajo që është e rëndësishëm është që palët duhet bëhen bashkë për ta bërë reformën. Ne kemi propozuar se si mund të bëhemi bashkë për hapjen e negociatave. Reforma zgjedhore nuk mund të jetë i njërës palë, por produkt i të gjitha partive politike. Në këtë këndvështrim ne jemi të gatshëm, dhe ne presim palën tjetër të tregojë vullnet politik. Të dyja palët duhet të gjejnë konsensusin për një produkt të caktuar” deklaroi Bardhi. /Opinion.al
