Ministrja e Shëndetësisë dhe Mbrojtjes Sociale, Albana Koçiu u ka bërë thirrje prindërve që të sigurohen që t’i vaksinojnë në kohë fëmijët e tyre.
Përmes një postimi në rrjete sociale, Koçiu thotë se vaksinimi në kohë i fëmijëve është një hap shumë i rëndësishëm për t’i mbrojtur dhe për t’u krijuar një të ardhme të shëndetshme.
“Për një fëmijëri të shëndetshme, vaksinat janë thelbësore!
Fruthi, rubeola dhe shytat janë sëmundje që mund të shmangen plotësisht nëse fëmijët vaksinohen në kohë, sipas kalendarit kombëtar të vaksinimit.
Kujdesuni që fëmijët tuaj të marrin të gjitha dozat e nevojshme dhe mos harroni:
• Konsultohuni me mjekun pediatër për çdo pyetje apo shqetësim.
• Siguroni mbrojtje të plotë për ta sot, për një të ardhme të shëndetshme nesër”, shkruan Koçiu.
