Aventura e Jasir Asanit në Korenë e Jugut është mbyllur zyrtarisht.
Sulmuesi është zyrtarizuar këtë të mërkurë të 20 gushtit në Iran.
Klubi i Esteghlal ka njoftuar afrimin e shqiptarit, për të cilin ka paguar menjëherë 1 milion dollarë në arkat e Gwangju.
Marrëveshja mes klubit iranian dhe Asanit ishte arritur prej ditësh, por u tha se transferimi do të bëhej në merkaton e dimrit, kur lojtarit t’i përfundonte kontrata në Korenë e Jugut.
Megjithatë drejtuesit Esteghlal kanë vendosur të paguajnë, për ta afruar menjëherë dhe për ta pasur në ekip.
Futbollisti 30-vjeçar ka firmosur kontratën me skuadrën iraniane deri në verën e vitit 2027.
Në karrierën e tij, Jasir Asani ka luajtur me klube si Vardar, Shkupi, Partizani, AIK dhe Kisvarda./tvklan
