Armando Broja dhe Çelsi, një histori që duket se nuk do të vazhdojë. Pasi u kthye nga huazimi te Fulham, sulmuesi shqiptar është i destinuar të largohet nga “Stamford Bridge”.
Klubi kërkon të përmirësojë bilancet financiare dhe 22-vjeçari është një prej lojtarëve që do të sakrifikohen.
Me Brojën në merkato, ofertat nuk kanë munguar. Mediat spanjolle zbuluan se për sulmuesin ka interes nga një klub i Premier Ligës, që ka ofruar 27 milionë euro.
Emri nuk është bërë i ditur, por me gjasë bëhet fjalë për Evertonin. Armando Broja ka qenë edhe në radarët e Milanit, që riktheu interesin për ta afruar.
Aktualisht lojtari ndodhet në Shtetet e Bashkuara me Çelsin, me ekipin që është i angazhuar në turneun amerikan përpara startit të sezonit.
