Presidenti Ilir Meta i paraqiti Kuvendit të Shqipërisë, propozimin e tij në krye të Kontrollit të Lartë të Shtetit, që ishte kandidatura e Bahri Shaqirit.
Ditën e sotme ky propozim është hedhur poshtë nga Komisioni i Ekonomisë.
Kryetari i këtij komisioni, Arben Ahmetaj, u shpreh se një nga mangësitë që ka figura e Shaqirit, është mungesa e eksperiencës në fushën financiare dhe të auditit.
“Plotëson kushtin per arsimimin, ka disa kualifikime në fushën e sigurisë së marrëdhënieve ndërkombëtare. Nuk ka dënime, për shkak të funksioneve të larta që ka mbajtur, por nuk ka përvojë financiare, për organizimin dhe funksionimin e KLSH. Angazhimet janë të fokusuara në fushën e sigurisë, por jo në ato të parashikuara nga ligji për KLSH. Eksperienca në legjislacionin financiar është e domosdoshme dhe e pazëvendësueshme me aftësi të tjera. Ai është larg specifikës financiare dhe auditimit, financiar, i performancës etj. Kështu që duke iu referuar të gjithë tagrit kushtetues të këtij komisioni, ky komision, i dërgon seancës për mosmiratimin e kandidaturës së tij”- tha Ahmetaj.
Bahri Shaqiri mban aktualisht detyrën e këshilltarit për Çështje të Sigurisë Kombëtare, pranë Presidentit Ilir Meta. D.L
