Keshilli i Lartë i Prokurorisë ka miratuar në mbledhjen e sotshme emrat e prokurorëve të perkohshëm në disa prokurori.
Kështu, Isa Jata u miratua në pozicionin e prokurorit të përkohshëm pranë Prokurorisë të Gjykatës së Apelit të Krimeve të Rënda, ndërsa prokurori Altin Dumani u vendos përkohësisht drejtues i Prokurorisë pranë Krimeve të Rënda.
Julian Cafka mori pozicionin e drejtuesit të përkohshëm të Prokurorisë së Gjirokastrës, dhe po ashtu, u miratua me 10 vota pro projekt-vendimi për caktim të përkohshëm të prokurores Rozeta Qirjaqi në pozicionin e Drejtuesit në Prokurorinë pranë Gjykatës së Apelit Korçë.
Gjithashtu, u miratua me 10 vota pro projekt-vendimi për caktim të përkohshëm të prokurores Irena Çunoti, prokurore në Prokurorinë pranë Gjykatës së Shkallës së Parë Korçë, në pozicionin e prokurores në Prokurorinë pranë Gjykatës së Apelit Korçë./Opinion.al
