Gazetarja e kronikës që ka raportuar prej vitesh për ngjarje kriminale, ka rënë pre mëngjesin e sotëm e një sulmi me armë në banesë. Ngjarja e rëndë ka ndodhur rreth orës 03:00 të ditës së sotme në fshatin Domje në periferi të Tiranës, aty ku jetojnë prindërit e Klodiana Lalës. Edhe ajo vetë ka qenë me familjarët e saj deri në orët e vona të mbrëmjes së djeshme. Disa detaje, Klodi i ka ndarë me Opinion.al.
“Unë dhe bashkëshorti im jemi larguar nga banesa e prindërve ne oret e vona të mbremjes. Në banesë ne momentin e ngjarjes kane qene vellai, motra, vjehrra dhe vjehrra i motres qe kishin ardhur nga Italia te cilet ndejten per darke si edhe prinderit e mi”, ka treguar ajo.
Po kështu, Klodiana Lala tha se “gjeja e pare qe ka bere familja pasi banesa eshte qelluar me arme eshte shperngulja e pjesetareve te familjes per tek xhaxhai dhe me pas njoftimi i policise”.
Paraprakisht dyshohet se sulmi ka ardhur pikërisht për shkak të detyrës së saj dhe në këtë pistë janë orientuar edhe hetimet e policisë. “Nuk kam asnje konflikt familjar dhe te gjitha dyshimet lidhen me ushtrimin e detyres”, tha ajo, duke shtuar se “edhe pse tronditja është e madhe, unë nuk do të heq dorë nga profesioni im”.
Në mbështetje të Klodiana Lalës janë vendosur të gjithë. Solidaritet me të kanë shprehur kolegë gazetarë, politikanë, aktivistë të shoqërisë civile, etj. Sot në orën 19:00 perballe Kryeministrise është thirrur, permes rrjeteve sociale, një tubim në shenjë solidariteti me gazetaren. /Opinion.al
*Foto: Shenjat që lanë plumbat në banesën e prinderve te Klodi Lales
