Protestuesit që reagojnë kundër vrasjes së 25-vjeçarit Klodian Rasha janë zhvendosur tashmë përpara Kryeministrisë duke u ngjitur përpara derës së saj ku kanë dëmtuar edhe pemën e Krishtlindjes.
Protesta që duket se nuk ka një grup të qartë organizator nisi me tensione përpara Ministrisë së Brendshme, ku mes përplasjeve u lënduan një officer policie, një gazetar dhe një protestues.
Në këtë protestë, është vënë re një numër jo i madh i forcave policore të cilët nuk kanë ndërhyrë edhe në momente tensionesh. Gjithashtu nga pamjet është vënë re se policët nuk kanë patur veshje të specializuara dhe skafandra, por uniformat e tyre të thjeshta. Protestuesit tashmë janë grumbulluar të gjithë përpara Kryeministrisë ku pritet edhe nje shtim i forcave policore dhe atyre te FNSH./Opinion.al
