Aktivistja, Greta Thunberg ka refuzuar të pranojë një çmim për klimën, duke thënë se lëvizja klimatike kishte nevojë që personat në pushtet të fillojnë të “dëgjojnë shkencën” dhe jo çmimet.
Aktivistja e re për klimën, e cila ka mbledhur miliona njerëz me lëvizjen e saj “Fridays for Future”, u nderua në një ceremoni në Stokholm të mbajtur nga Këshilli Nordik, një organ rajonal për bashkëpunimin ndër-parlamentar.
Ajo ishte nominuar për përpjekjet e saj nga Suedia dhe Norvegjia dhe fitoi çmimin e organizatës për mjedisin.
Por pasi u njoftua, një përfaqësues i Thunberg i tha të pranishmëve se ajo nuk do të pranojë çmimin dhe shumën monetare prej 350,000 korunash danez (rreth 52,000 dollarë ose 46.800 €).
Ajo iu drejtua vendimit në një postim në Instagram nga Shtetet e Bashkuara.
“Lëvizja klimatike nuk ka nevojë për më shumë çmime, Ajo që na duhet është që politikanët tanë dhe njerëzit në fuqi të fillojnë të dëgjojnë shkencën aktuale, më të mirë në dispozicion” shkroi ajo.
Ndërsa falënderoi Këshillin Nordik për “nderin e madh”, ajo gjithashtu kritikoi vendet nordike për mosrespektimin e “reputacionit të tyre” për çështjet e klimës.
“Nuk mungon mburrja për këtë. Nuk mungojnë fjalët e bukura. Por kur bëhet fjalë për emetimet tona reale dhe gjurmët tona ekologjike për frymë … atëherë është një histori tjetër” tha Thunberg.
Ende vetëm 16 vjeç, Thunberg doli në pah pasi ajo filloi të kalojë të lëvizjen e saj jashtë parlamentit të Suedisë në gusht 2018, duke mbajtur një pankartë ku lexonte “Grevë shkollore për klimën”. /Opinion.al
