Politikë

“Klientët e Ramës, përfituesit më të mëdhenj të garancisë sovrane”


Bëhu pjesë e Grupit Zyrtar të Opinion.al
>> KËTU <<
               Publikuar në : 11:51 - 13/07/20 |
Opi Nion

Ish-deputetja e PD, Jorida Tabaku ka akuzuar qeverinë për ndihmën financiare të dhënë gjatë pandemisë, sipas së cilës, pjesa më e madhe e garancisë sovrane ka shkuar për klientët e kryeministrit.

Tabaku u shpreh më tej se ekonomia shqiptare po përjeton një nga periudhat më të vështira të 20 viteve të fundit.

“Nën presionin e një krizë të dyfishtë ekonomiko-shëndetësore, Rama vazhdon të kujdeset posaçërisht duke mbrojtur 10 oligarkët e tij, me të cilët ka plaçkitur Shqipërinë dhe taksat e shqiptarëve për 7 vite rresht. Sipas të dhënave të paraqitura dhe nga një hetim i thelluar nga BIRN rezulton se 50% e kredive të miratuara nga fondi i garancisë, u përkasin të dyshuarve të përhershëm, oligarkëve. Kreditë e miratuara nga bankat e nivelit të dytë, si pasojë e Fondit të Garancisë Sovrane kapin vlerën e 3.9 miliardë lekësh. Nga të cilat 10 kompani që kanë koncesionet kryesore në Shqipëri kanë përfituar 2 miliardë lekë apo rreth 50% të totalit të këtyre kredive. Por ndërsa oligarkët e PPP-ve përfitojnë nga kjo garanci sovrane, sipërmarrje si fasoneritë apo hoteleri turizmi që u detyruan te largonin me qindra punonjës nga puna nuk kanë përfituar asgjë. Të ardhurat në buxhet mungojnë, borxhi është rritur, bizneset po falimentojnë masivisht dhe janë lënë jetimë nga qeveria. Atëherë kur duhet më shumë, qeveria zgjedh sërish të jetë me pakicën. Të gjitha raportet ndërkombëtare e cilësojnë qeverinë shqiptare si shkaktare të kësaj krize. Qartësisht Rama punon vetëm për dy grupe: kriminelët dhe oligarkët. Prandaj Edi Rama bën gjithçka qe Shqipëria të mos dalë nga kthetrat kriminalo-korruptive të tij. Shqipëria nuk mund të jetë pengu i një njeriu të kapur në kurthin e pushtetit kriminal dhe korruptiv. Të gjitha sondazhet tregojnë se Edi Rama është pakica. Shumica dërrmuese e shqiptarëve kanë zgjedhur ndryshimin dhe duan një qeveri normale që i shërben shumicës së heshtur dhe punëtore duke i dhënë përgjigje pakicës që vjedh dhe shurdhon shqiptarët me propagandë”,-tha Tabaku./ Opinion.al

 

Pas