Dosja Shullazi është drejt “zhbllokimit” pas vendimit të fundit të Këshillit të Lartë Gjyqësor.
Ngërçi ishte krijuar pas shndërrimit të Apelit të Krimeve të Rënda në Gjykatë të Posaçme të SPAK. Dy nga gjyqtarët e trupës ishin të deleguar nga Apele të zakonshëm dhe duhej vendosur nëse ata kishin tagrin të gjykonin këtë çështje.
KLGJ ka vendosur sot që dy gjyqtarët e deleguar më herët Etleva Temo dhe Ardian Kalaja, do të vijojnë të jenë pjesë e trupit gjykues.
Dosja “Shullazi” ishte pranë afateve të skadimit por vendimi i KLGJ i hap rrugë nisjes së procesit i cili do të shqyrtojë edhe njëherë dënimin e dhënë nga Shkalla e Parë e Krimeve të Rënda e cila e dënoi me 14 vite burg Emiliano Shullazin. /Opinion.al
