Këshilli i Lartë Gjyqësor ka miratuar dorëheqjen e gjyqtarit të Gjykatës së Apelit të Tiranës, Agim Bendo. Pas largimit nga sistemi i drejtësisë, Bendo nuk do i nënshtrohet procesit të vetting-ut.
Më herët, gjyqtari paraqiti kërkesën e dorëheqjes pranë Këshillit të Lartë Gjyqësor, një kërkesë e cila u miratua në mbledhjen e sotme.
Gjyqtari Bendo ka pasur në dorë dosje të “nxehta”, siç është ajo e “21 janarit”, ku ishte pjesë e trupit gjykues. Një tjetër dosje është ajo e ish-guvernatorit të Bankës së Shqipërisë.
Gjithashtu, Bendo ka qenë pjesë e trupës gjykuese së bashku me Shkëlqim Mirin në dosjen “Hakmarrja për Drejtësi”./ Opinion.al
