Ish-deputeti i PD Klevis Balliu u shpreh se vendimi i presidentit Ilir Metës për anulimin e zgjedhjeve lokale është i drejtë dhe prej burri shteti.
Ndërsa ka theksuar se kundërshtimi i vendimit të Metës nga ana e PS është një grusht shteti, dhe për këtë arsye duhet të futen në burg.
Ish-deputeti demokrat tha aksioni opozitar nuk do të ndaloj me anulimin e zgjedhje, por do të vijojë deri në largimin e Edi Ramës nga pushteti.
“Në PS janë ca emra si Elisa Spiropali, Taulant Balla, që sigurisht ka njohje kriminale. Del Veliaj dhe thotë se duhet që të ikim nga politika e këtyre 30 vieteve. Ku të shkojmë? Të kthehemi prapë në diktaturë. E vetmja rrugë është largimi i Edi Ramës për të pasur një qeveri tranzitore. Zgjedhje më 30 qershor nuk ka, sepse nuk i ka dekretuar presidenti. Çdo tendencë për të kundërshtuar këtë vendim të presidentit, do të ishte grusht shteti e kjo do të thotë do shkonin në burg. Nëse kundërshtohet vendimi i presidentit do të kishim grusht shteti, në mënyrë absolute. Por kjo nuk duhet të ndodhë. Edi Rama ka kapur shtetin, ka kapur Prokurorinë. Prokuroria nuk merr të pandehur hajdutët, kur Erion Veliaj bën kulla, kurse lihen në burg Florenc Hoxha dhe të tjerë opozitarë thjesht pse protestojnë. Kjo është Prokuroria, që votuesit fut në burg dhe ata që vjedhin shpërblehen. por të jeni të Sigurt që Shqipëria do të fitojë, sepse Shqipëria është më e fortë sesa banda e Rilindjes. Protestat do të vazhdojnë deri në largimin e Ramës. E kanë në gjenetikë që nuk duan opozitë. Zgjedhje të lira janë kur nuk janë të vjedhura, siç bëhet këtu, ku del Niçja me kallash. Këta kanë vjedhur te Unaza, te rruga Milot – Balldren. Nuk mund të vazhdohet më kështu, që të vjedhë e grabisë Edi Rama. Mos harrojmë që kemi dosje sot, ku të përfshirë janë Edi Rama dhe Ulsi Manja. Rama duhet të largohet dhe ne do të vazhdojmë të protestojmë deri në largimin e tij”, tha Balliu./ Opinion.al E.Xh.
