Elgiti dhe Klea janë një ndër çiftet më të komentuara të showbiz-t shqiptar. Ata nuk janë çifti tipik që bëjnë dedikime për njëri-tjetrin gjatë gjithë kohës. Megjithatë, mjafton një intervistë për të kuptuar shumë gjëra për lidhjen e tyre. Si u njohën ata dhe ku ndodhi puthja e parë? Për fillimet e dashurisë së tyre, Klea Huta ka treguar në emisionin “Thumb” të Fatmës dhe Aulonës. Ajo tregon se ku është njohur me Elgitin dhe si ka nisur romanca e tyre.
“Unë dhe Giti jemi njohur në fakultet. Ai ishte kompozitor dhe kërkonte një vajzë që këndonte, që ta merrte në menaxhim. U takuam, nuk ramë dakord, mirupafshim. Pastaj, pesë vite më vonë, Alar Band kërkonte të bënte një bashkëpunim me Klea Hutën. Elgiti më merr në telefon, më thotë kam një eveniment të rëndësishëm. Shkova në studio dhe pjesa tjetër është histori”,– ka treguar Klea.
Kënga “Amla” bëri bashkë çiftin dhe me siguri ajo është një refren për dashurinë e tyre. Mirëpo, puthja e parë ku ndodhi?
“Puthja e parë ishte shumë romantike. Ishte natë, në rrugë, vetëm drita e hënës dhe dritat e rrugës. Si nëpër filma”,-thotë Klea.
