Kryetari i Partisë Demokratike, Lulzim Basha ndodhej ditën e sotme në Vorë, ku zhvilloi takime me sipërmarrësit e vegjël dhe fermerët e kësaj zone.
Gjat takimeve, Basha hodhi akuza ndaj qeverisë “Rama”, duke thënë se fermerët dhe bizneset nuk kanë marrë mbështetjen e nevojshme nga shtetit, gjë e cila po i shtyn ata drejt falimentimit.
Por nga ana tjetër, Basha ka siguruar fermerët dhe bizneset se me ardhjen në pushtet të PD, ata do të mbështeten nga shteti për të krijuar mundësi për zhvillimin e biznesit.
“Morëm vesh dje, kanë bërë një pagesë tjetër për inceneratorin, 500 mijë euro. Sa biznese mund të ndihmoheshin me këto? Thjeshtë të paguanin punëtorin, mos të hiqnin punëtorin nga puna. Se këto taksat tuaja janë. Do çlirojmë mundësitë, të punoni të gjithë edhe sipas mundësive që, sigurisht do vijnë duke u rritur, kur të çlirohet ekonomia edhe ju të fitoni, të punësoni, të ketë mirëqenie. 5 veta! S’mund të jetë Shqipëria e 5 vetave”, – u shpreh Basha
Ndërkohë, pronari i një dyqani mishi shprehet se ; “Unë jam i mbytur, i zhytur në borxhe, me siklete e me ashtu. S’kam ç’bëj. Marrin me listë, të paktën vetëm në kohën e koronavirusit nja 700 – 800 mijë lekë”.
Pas takimeve me bizneset, Basha u ndal në Marikaj ku dëgjoi shqetësimet dhe problemet e fermerëve të zonës.
“Tregu më dobët, s’ka. Këtë vit njëherë, është shumë dobët. Shumë, shumë dobët” – thotë një nga fermerët.
Fermerët e Vorës u ankuan për rritjen e kostos dhe uljen e fitimit dhe mungesën e subvencioneve.
“Subvencione nuk ka fare. Zero, zero”, – thotë një tjetër banor. / Opinion.al
