Një pajisje e re teknologjike pritet të zëvendësojë së shpejti smartphone. Bëhet fjalë për “Nubia Alpha”, e cila ka formën e një ore elektronike. Kjo pajisje e re ka të gjitha funksionet e një smartphone, por mbahet tek pulsi i dorës si një orë apo një byrzylyk. “Nubia Alpha “ ka 1GB RAM si dhe 8GB memorie.
Gjithashtu kjo pajisje ka një bateri prej 500mAh dhe arrin të ketë jetëgjatësi deri në 2 ditë. Ekrani i Nubia Alpha është OLED 4-inç, si dhe ka një kamër 5-megapiksel frontale. Pas provave që janë bërë kjo pajisje arrin të kryejë telefonata si dhe mund të shkruhen edhe mesazhe.
Pritet që kjo pajisje të hidhet në treg në dy variante me Bluetooth ose eSIM. Versioni i pajisjes me Bluetooth do të kushtojë 449 euro në Evropë, Amerikën e Veriut dhe Kinë në tre mujorin e dytë të vitit. Ndërsa version me eSIM pritet të kushtojë 550 euro në Kinë, Evropë dhe Amerikë në fund të vitit./Xh.K/Opinion.al/
