Më në fund e ka vendosur dhe e ka bërë publike. Deputeti socialist Eduart Ndocaj, që nuk bën pjesë më e socialistëve ka formuar partinë e tij. Disa ditë më parë e bëri publike se do të krijonte partinë e tij, mbrëmjen e sotme e ka vendosur.
Partia më e re në vendin tonë do të quhet “Besëlidhja Europiane”.
Sipas themeluesit Eduart Ndocaj “një grup ekspertësh dhe politologësh po punojnë intensivisht për krijimin e statusit themeltarë të partisë “Besëlidhja Europiane” dhe të programit të saj politikë”.
Sipas tij, “ngjarjet e fundit që po ndodhin në kahet e politikës shqiptare po na bindin gjithnjë e më shumë për të intensifikuar punën për hartimin e programit dhe regjistrimin e partisë në KQZ”.
“Partia “Besëlidhja Europiane” (BE), do të themelohet me nismën e deputetit Eduart Ndocaj. Pranë kësaj partie tashmë janë afruar mjaftë qytetarë, të rinjtë, intelektual dhe njerëz të botës së biznesit”, thuhet një njoftimin e deputetit Eduart Ndocaj.
“Besëlidhja Shqiptare” do të jetë si një parti e Qendrës, e cila mbron identitetin shqiptar, lobon dhe kërkon integrimin e Shqipërisë në BE, modernizimin e vendit përmes reformave serioze dhe gjithëpërfshirëse.
