Pas humbjes nga Brazili, kombëtarja e Argjentinës rrezikon kualifikimin për Botërorin ‘Rusi 2018’.
Argjentina ka mbledhur vetëm 16 pikë pas 11 ndeshjeve të zhvilluara në kualifikimet për Kampionatin Botëror.
Disfata e 0:3, nga Brazili ka thelluar edhe më shumë krizën në kombëtaren ‘Albiceleste’, por kapiteni dhe ylli i këtij ekipi Lionel Messi, beson që nëse lojtarët qëndrojnë të bashkuar, mund të kthehen rezultatet pozitive.
“Nuk e prisnim një humbje të këtillë. Deri në momentin e pësimit të golit të parë luanim të barabartë, por më pas ata morën kontrollin e lojës”, ka deklaruar Messi.
“Tani e tutje gjithçka varet nga ne nëse duam të dalim nga kjo seri e zezë apo jo”.
“Duhet të qëndrojmë të bashkuar deri në fund për t’ia dalë të kualifikohemi”.Në ndeshjen e ardhshme që zhvillohet më 16 nëntor, Argjentina është nikoqir i Kolumbisë.
