Përplasje të forta ka patur këtë të enjte mes gardës dhe deputetëve të Partisë Demokratike në hyrje të Kuvendit. Garda ka ndaluar deputetët e opozitës që të hyjnë në ambientet e Kuvendit.
Deputeti i PD, Dashnor Sula thotë se kjo është një çmenduri, pasi nuk po lejohen të futen as deputetet që nuk janë të përjashtuar.
Ligjvënësit demokratë në tentativë për tu futur brenda kanë thyer edhe xhamat e dyerve të Kuvendit.
Ndërkohë socialistët kanë hyrë nga dera e pasme e Kuvendit.
DEBATET
Sula: Kjo është çmenduri.
Bardhi: Ky është deputet dhe duhet të hyjë në Kuvend.
Vokshi: Na jep urdhrin e shkruar sepse unë nuk jam e përjashtuar.
Sula: Të provokojnë në këtë farë feje sa nuk di cfarë ti bësh. Ti hipësh sipër edhe prapë nuk të lënë. Këta duan vetëm një parlament. Të qeverisë PS, se janë mësuar 45 vjet. Mos u ngopshin, farë qeni.
Korreshi: Ore nuk jemi të përjashtuar, hape derën.
