Një kompani sapo i ka publikuar rezultatet e një anketimi të fundit i cili sugjeron se gratë priren të tradhtojnë më shumë se meshkujt për një arsye krejtësisht befasuese.
Anketimi i fundit, i kryer nga Illicit Encounters, ka vëzhguar ndikimin që prindërit e kanë mbi vendimet e një personi për të tradhtuar partnerin e vet, transmeton Telegrafi.
Sajti ka mbi 100,000 përdorues në Britani të Madhe qysh nga viti 2004, dhe i ka anketuar 1,000 klientë të tyre (50 për qind meshkuj, 50 për qind femra) rreth faktorëve që kanë ndikim në vendimin e tyre për të tradhtuar partnerin.
Ata kanë zbuluar se 71 për qind e grave që kanë tradhtuar, kishin pasur nëna të cilat gjithashtu kanë tradhtuar.
Në krahasim me këtë, vetëm 45 për qind e meshkujve të cilët kanë tradhtuar ishin të bijtë e baballarëve tradhtarë.
Në kushtet e ndikimit të prindërve për aferat e tyre, 66 për qind e respodentëve femra kanë thënë se janë ndjerë sikurse kanë ‘leje’ për të tradhtuar sepse të njëjtën gjë e kishin bërë edhe nënat e tyre.
Në kontrast, 86 për qind e meshkujve kishin thënë se do ta ndalnin një aferë nëse babai i tyre do ta kuptonte dhe do t’ju kërkonte ta ndalnin atë.
