Tani është në moshë të thyer, por 27 vite më parë kishte vrarë një person. Bëhet fjalë për 79-vjeçarin Kadri Rustemi, banues në Lavdan i cili është autor i një vrasjeje të ndodhur në vitin ’91. Ai ishte dënuar me 25 vjet heqje lirie për vrasje, por i kishte shpëtuar policisë për afro tre dekada.
Sot policia njoftoi për arrestimin e 79 vjecarit, Kadri Rustemi. “Me vendim Gjykate Nr.38 datë 26.12.1996, ky shtetas është dënuar me 25 vjet burgim për veprat penale “Vrasje me dashje” dhe “Vrasje me dashje e mbetur në tentativë”, sqarohet në një njoftim të policisë.
Më 26 Korrik të vitit 1991 Kadri Rustemi ka vrarë me armë gjahu një person me iniciale Xh.H dhe ka tentuar të vrasë një tjetër, A.H, banues në Mallakastër.
Nuk dihet se si 79 vjeçari i kishte shpëtuar policisë për një kohë kaq të gjatë.
