Policia gjermane ka arrestuar një 53-vjeçar nga Irlanda, i cili dyshohet se po përgatitej të kryente sulme.
Gjatë kontrollit në banesën e të arrestuarit janë sekuestruar një arsenal armësh dhe shpata samurai.
Sipas Bild, personi i arrestuar në Frankfurt është një 53-vjeçar, i cili kishte dërguar letra të shkruara më dore në polici me përmbajtje thuajse të pakuptueshme.
Nga hetimi u zbulua se në letra ai shprehte pakënaqësitë e tij në lidhje me institucionet. Ai dyshohet se kishte lidhje me një grup të ekstremit të djathtë me pikëpamje antisemitike.
Irlandezi kishte shkruar në disa letra më 12 korrik se po planifikonte të kryente një sulm më 20 korrik. Autoritetet reaguan menjëherë dhe gjatë kontrollit i gjetën 53-vjeçarit arsenalin e armëve dhe të shpatave.
