Një 62-vjeçar është vënë në prangat e policisë pasi ka ndërtuar pa leje një lokal në plazhin e Jonufrit.
Policia bën me dije se 62-vjeçari me inicialet M. V., u arrestua pasi kishte ngritur 2 objekte prej druri pa qenë i pajisur me një leje përkatëse.
Ai akuzohet për veprën penale “Ndërtimi i paligjshëm”.
“Si rezultat i kontrolleve dhe i verifikimeve në terren, me qëllim parandalimin, konstatimin dhe goditjen e paligjshmërive në fushën e ndërtimeve, veçanërisht të atyre në zonat urbane dhe në ato bregdetare, shërbimet e Komisariatit të Policisë Vlorë, bazuar në informacionet e siguruara në rrugë policore, kanë goditur një tjetër rast të paligjshmërive në këtë fushë.
Gjatë kontrolleve u konstatua se shtetasi M. V., kishte ngritur 2 objekte prej druri, në funksion të ndërtimit pa lejen e organeve kompetente, të një lokali në plazhin e Jonufrit.
Në vijim të veprimeve procedurale për këtë rast, specialistët për Hetimin e Krimeve të Komisariatit të Policisë Vlorë arrestuan shtetasin M. V., 62 vjeç, banues në Vlorë, për veprën penale “Ndërtimi i paligjshëm”-njofton policia./Opinion.al
