Një 52-vjeçar është arrestuar ditën e sotme në Angli, sepse kaloi katër ditë duke jetuar fshehtas brenda shtëpisë së fqinjit të tij, duke i shkaktuar një sërë dëmesh.
Waseem Chaudry, 52 vjeç, punonjës nafte nga South Shields, filloi të jetonte fshehtas në shtëpinë e fqinjit të tij teksa vidhte ushqim dhe uiski, shikonte TV, flinte në shtratin e çiftit dhe madje mori guximin të bënte një banjë relaksuese.
Punonjësi i naftës kishte krijuar një rruge nëpërmjet tavanit të godinës, nga e cila mund të kalonte në shtëpinë e tij e të rikthehej sërish tek fqinji kur të donte dhe sa herë të donte.
52-vjeçari u kap në flagrancë nga i zoti i shtëpisë, pasi u kthye nga puna më herët seç ai mendonte, duke gjetur çizmet e Chaudry-t në derën e shtëpisë.
Nga mediat e huaja thuhet se ai kishte shkaktuar një sërë dëmesh në vlerë prej mijëra paundësh në shtëpi.
Pas arrestimit të tij, policia bën me dije se Chaudry u dënua me dy vjet burg pasi pranoi se kishte vjedhur dhe kishte dëmtuar pronën e dikujt tjetër. /Opinion.al
