Gazetari Eni Ferhati ka deklaruar se Ervis Martianj ka pasur disa makina të blinduara me të cilat udhëtonte, të cilat i ndërronte gjatë rrugës për të shmangur atentatet.
I ftuar në emisionin “Shënjestër”, Ferhati shtoi se që pas ekzekutimit të kushëririt të tij, Brilant Martinaj, ai ndërroi stil jetese dhe nuk lëvizte më me eskortë, por shoqërohej vetëm nga efektivi i operacionales.
“Fakti që çështja u bë kaq mediatike dhe përfshiu edhe reagime nga politika, edhe prokuroria është më shumë e angazhuar për zbardhjen e ngjarjes. Automjeti është më shumë i përdorur nga Martinaj. Ka patur disa makina të blinduara, i ndërronte rrugës për t’iu shmangur atentateve dhe kundërshtarëve. Mund të jetë një element që mund të ndihmojw hetuesit. Sa i takon videos duhet të kemi parasysh se përderisa Martianj pas atentatit që i vranë djalin e xhaxhait, ndërroi stilin e mënyrës se si lëvizte. nuk lëvizte më me eskortë, por hoqi mjetet mbështetëse dhe shoqërohej vetëm nga efektivi që në fakt kishe për detyrë të kapte personat e shpallur në kërkim, por që punonte për Ervis Martinajn”, tha ai.
Martinaj është shpallur në kërkim nga policia pas dëshmisë së Nuredin Dumanit, i cili tha para hetuesve se Ervis Martinaj kishte porositur vrasjen e Endrit Dokles, atentat që nuk u realizua.
