Policia ka vënë në pranga një 67-vjeçar dhe ka shpallur në kërkim djalin e tij 35-vjeç.
Sipas uniformave blu mësohet se në banesën e tyre u gjetën disa pajisje që shërbenin për prodhim të kundërligjshëm të kriptomonedhave.
“Në kuadër të operacionit policor të koduar “Coins” është zbuluar një banesë me pajisje për prodhim të kundërligjshëm të kriptomonedhave në lagjen “15 Shtatori” të Tepelenës.
Gjatë këtij operacioni, nga kontrolli i kryer në bazë të informacioneve të siguruara nga inteligjenca policore, në banesën e babë e bir, përkatësisht H. O., 67 vjeç dhe A. O., 35 vjeç, u gjetën disa pajisje që shërbenin për prodhim të kundërligjshëm të kriptomonedhave.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme./Opinion.al
